काठमाडौं, साउन ९ । सिरियाको दक्षिणी सुबेइदा सहरमा बुधबार गराइएको आत्मघाती आक्रमणमा परी कम्तीमा ५० जनाको मृत्यु भएको छ ।
सरकार नियन्त्रित क्षेत्रमा गराइएको आक्रमणमा मारिनेमा ३२ जना सरकार समर्थित लडाकू र २२ जना सर्वसाधरण छन् ।
सरकारी सेनाले अरु दुईजना आत्मघाती आक्रमणकारीलाई भने विस्फोट गराउनुअघि नै मारेको सरकारी समाचार एजेन्सी ‘सना’ले जनाएको छ । एकजना आक्रमणकारीलाई नियन्त्रणमा लिइएको सरकारी भनाइ छ ।
घटनामा इस्लामिक अतिवादी समूह ‘आइएस’का २० भन्दा बढी लडाकू पनि मारिएको सिरियन अब्जरभेटरी फर ह्युमन राइट्सका प्रमुखले जनाएका छन् । (एजेन्सी)
