विराटनगर (रासस)। कान्तिपुर दैनिकका सम्पादक नारायण वाग्लेलाई यस वर्षको केशवराज–सूर्यराज दाहाल पत्रकारिता पुरस्कार प्रदान गरिने भएको छ । पुरस्कारको राशि रु ५१ हजार १११ रहेको छ ।
यसैगरी राजेश्वर रेग्मी स्मृति गजल पुरस्कार पथरी मोरङका भूपेन्द्र तिम्सिनालाई प्रदान गर्ने निर्णय गरिएको छ । पुरस्कारको राशि रु ११ हजार र प्रमाणपत्र रहेको छ । विराटनगरबाट प्रकाशित उद्घोष दैनिक पत्रिकाको १४आँै वार्षिकोत्सवको अवसरमा पुरस्कार प्रदान गरिने पत्रिकाका प्रबन्धक निर्देशक बन्धु पोखरेलले बताए ।
