बिराटनगर भदौ ३ , गत शुक्रबार ग्रामथान गाउँपालिका–३ सिद्राहामा एक युवकले धारिलो हतियार प्रहार गरी बिराटनगरकि शिखा घिमिरेको हत्या गरे।बिराटनगरको मेरिल्याण्ड कलेजमा बिबिएस अन्तिम वर्षकी छात्रा शिखा घिमिरेको हत्याको विरोध गर्दै आज कलेज तथा साथीहरुले शोक तथा श्रद्धाञ्जली कार्यक्रम आयोजना गरेका छन् । 
कलेजका संचालक , शिक्षक तथा उनका साथीहरुको उपस्तिथिमा उक्त शोकसभा आयोजना गरिएको थियो । शोकसभामा बोल्ने क्रममा सबैले दोषीलाई कडा भन्दा कडा कारवाही गर्न प्रशासनसंग अनुरोध गरेका थिए ।
शिखाको हत्यारालाई कारवाही गर्न माग गर्दै शनिबार साँझ पनि बिराटनगरमा शोक तथा बिरोधसभा आयोजना गरिएको थियो । आज पनि बिभिन्न युवा संघ सस्थाको आयोजनामा र्याली तथा बिरोधसभा हुने भएको छ ।
