झापा, ९ असाेज। झापाको मेचीनगर-१० बाट तास खेलिरहेको अवस्थामा १२ जनालाइ प्रहरीले पक्राउ गरेको छ । स्थानीय नारायण गुरुङको घरमा तास खेलिरहेको अबस्थामा ईलाका प्रहरी कार्यालय धुलावारीबाट खटिएको प्रहरी टोलीले उनीहरुलाई पक्राउ गरेकाे हाे । झापाको मेचीनगर-१० बस्ने बर्ष ४० को हर्क राई, बर्ष ४५ को रुमार बस्नेत, बर्ष ५५ को नारायण गुरुङ, बर्ष ३५ को शंकर अधिकारी, बर्ष ४२ को मनकु शाह, बर्ष ५१ को देबेन्द्र पनेरु, बर्ष ५० को कृष्ण सुबेदी, बर्ष ४० को बिबेक राजभण्डारी, बर्ष ५२ को दिपक पौड्ल, बर्ष ३४ को लाल महोन गुप्ता, बर्ष ४७ को दल बहादुर खवास र बर्ष ४८ को सुर्य बहादुर खवासलाई पक्राउ गरेको हो । प्रहरी तासको खालबाट नगद ७७ हजार ३ सय ८० रुपैयाँ सहित मोवाईल १२ थान र तास ६ बुक समेत बरामद गरेको हाे । पक्राउ परेका ब्यक्तिहरु ईलाका प्रहरी कार्यालय धुलावारीको नियन्त्रणमा रहेका छन्।
