विराटनगर, ११ असाेज । मोरङको ग्रामथान गाउँपालिका-२ झोराहाट स्थित प्रणाम इट्टा भट्टाको हाता भित्र रहेको पोखरीमा डुब्दा १ जनाको मृत्यु भएको छ । पोखरी रेख देख गर्दै आएका जिल्ला भोजपुर घर भएका अन्दाजि वर्ष ३५ को सुक्रधन राई एउटा पोखरीवाट अर्को पोखरीमा माछाको भुर्रा सार्ने क्रममा हराई बेपत्ता भएका थिए। घटनाबारे जानकारी पाउनासाथ तत्काल प्रहरी चौकी झोराहाटबाट खटिएको प्रहरी टोलीले स्थानीयको सहयोगमा खोजतलास गर्ने क्रममा आज बिहान पोखरीमा राईको शव फेला पारेको थियो । शवलाई पोष्टमार्टमका लागि कोशी अंचल अस्पताल लगिएको जिल्ला प्रहरी कार्यालय मोरङले जनाएको छ ।
