विराटनगर , १३ असाेज। नेपाल प्रेस युनियन मोरङको अध्यक्षमा रोहितकुमार लुइँटेल निर्वाचित भएका छन् । चार वर्षमध्ये पहिलो दुई वर्षे कार्यकालका लागि लुइँटेल विजयी भएका हुन । विराटनगरमा सम्पन्न आठौ महाधिवेशनले सर्वसम्मत रुपमा कूल चार वर्षे कार्यकालका अध्यक्षमा लुइँटेल र भोजराज बस्नेतलाई निर्वाचित गरेको थियो । गोलाप्रथाबाट पहिलो दुई वर्षका लागि लुइँटेल निर्वाचित भए । आधा आधा पद बाँडफाँट हुने गरी समिति चयन गरिएको निर्वाचन समितिले जनाएको छ ।उपाध्यक्षमा विनोद सुवेदी, हरि कोइराला, कौशल निरौला र जितेन्द्रनारायण ठाकुर(समावेशी), सचिवमा गोपालप्रसाद पोखरेल, कोषाध्यक्ष केशव न्यौपाने, सह–सचिव रञ्जिता पोखेरेल, विवेक मिश्र र धिरज दाहाल, खुल्ला सदस्यतर्फ मणिराम दाहाल, अशोक गौतम, अनुज सापकोटा, भिमराज अधिकारी, सुजन निरौला, महिला सदस्य जीनाजंग कार्की, रोशिका अधिकारी, निशा दाहाल, आदिवासी सदस्यमा रश्मिता उदास, मधेशी सदस्य विरेन्द्रकुमार साह र पिछडिएको अल्पसंख्यकमा सोनुकुमार दास सर्वसम्मत निर्वाचित भएका छन् ।
