विराटनगर, १९ असाेज । विराटनगर महानगरपालिका-५ विशाल चौकमा अागलागी भएकाे छ । स्थानीय मुन्नी खातुनको घरमा आगलागी भएको हाे । खातुनको घरमा अचानक ग्याँस लिक भई आगलागी हुँदा करिब १ लाख ५० हजार मूल्य बराबरको क्षति भएको प्रहरीले जनाएकाे छ । आगलागीबाट टिनको छानो भएको २ कोठे घर तथा सम्पूर्ण सर-सामान जलेर नष्ट भएको छ भने आगो निभाउने क्रममा खातुनको हात खुट्टा जलेर घाईते भएकी छिन् । उनकाे कोशी अंचल अस्पतालमा उपचार भईरहेकाे छ । आगलागी प्रहरी र स्थानीयकाे सहयोगमा नियन्त्रणमा लिईएको जिल्ला प्रहरी कार्यालय मोरङले जनाएको छ ।
