विराटनगर, २४ असोज । विराटनगर–९ मा रहेको इडेनबर्ग कलेजले भर्ना भएका नयाँ विद्यार्थीहरुलाई स्वागत गरेको छ । कलेजले विविएस तथा विएडका प्रथम वर्षमा भर्ना भएका विद्यार्थीहरुलाई बुधबार विराटनगरमा एक कार्यक्रमको आयोजना गरी स्वागत गर्दै कलेजको बारेमा जानकारी गराएको हो । 
मोरङ क्षेत्र नम्बर ५ का सांसद शिवकुमार मण्डल, कलेजका क्याम्पस प्रमुख दिनेश पण्डित, कलेजका प्रबन्धक निर्देशक भवानी शंकर भट्टराई कलेजका सञ्चालक भोगेन्द्र यादब र शंकर काफ्लेले भर्ना भएका दुई सय ५० विद्यार्थीलाई कलेजको बारेमा जानकारी गराएका थिए ।
कलेज व्यवस्थापन समितीका अध्यक्ष विष्णु दाहालको अध्यक्षतामा भएको कार्यक्रममा विराटनगरका स्थानिय हास्यकलाकार तुलसी घिमिरेले बिद्यार्थीलाई मनोरञ्जन प्रदान गरेका थिए । साथै कलेजमा अध्ययनरत दोस्रो र तेस्रो वर्षका विद्यार्थीले नव आगन्तुक विद्यार्थीलाई नृत्य तथा गित गाएर मनोरञ्जन दिएका थिए । सोही अवसरमा दशै,दिपावली तथा छठको शुभकामना आदान प्रान गरिएको थियो ।
