विराटनगर, २४ असोज । विराटनगर–१० मा रहेको कोशी विद्या मन्दिरले बालबालिकाला टिका लगाएर महान चाड दशैं मनाएको छ । स्कूलमा मन्टेश्वरीमा अध्ययनरत १ सय ६० बालक–बालिकालाई टिका लगाएको हो । शिक्षक–शिक्षिकाहरुद्वारा तयार पारिएको नमुना लिङ्गे पिङ, चङ्गा तथा फल–फूललगायत विभिन्न पूजा सामग्री तथा सांस्कृतिक प्रतिकका रुपमा प्रदर्शन गरिएको थियो । विद्यालयका प्रिन्सिपल धिजनबाबु काफ्ले, मन्टेश्वरी तहमा कार्यरत शिक्षिकाहरुले बालबालिकालाई दशैंको टीका जमरा लगाएर शुभकामना दिएका थिए ।
