बिराटनगर , कार्तिक ११। विराटनगर १ स्थित सिंघिया खोलामा माटोको ढिस्कोले पुरिएर एक महिलाको मृत्यु भएको छ । दिउँसो करिब २ बजे घर नजिकै रहेको खोलामा माटो खन्ने क्रममा ढिस्को खसेर सोही स्थान बस्ने बर्ष ३५ की कञ्चन पासवानको मृत्यु भएको जिल्ला प्रहरी कार्यालय मोरङले जनाएको छ ।
ढिस्कोले पुरिएर घाइते भएकी पासवानलाई उपचारको लागि कोशी अंचल अस्पताल बिराटनगर पठाइएकोमा उनको सोही अस्पतालमा मृत्यु भएको उक्त कार्यालयले जनाएको छ । घटनास्थलमा जिप्रका मोरङबाट प्रहरीको टोली खटि गई कानूनी प्रकृया पूरा गरी शव पोष्टमार्टमको लागि सोही अस्पताल राखिएको छ ।
