विराटनगरः बुहारी कुट्दा विराटनगरमा एक महिलाले प्रहरी खोरमा पुगेकी छिन् । विराटनगर–१ की देविका कँडेलले आफूलाई श्रीमान् र आमाजूले यातना दिएको भन्दै प्रहरीमा उजुरी दिएपछि होमा घिमिरेलाई प्रहरीले पक्राउ गरेको हो । उनी तरुण दलको पूर्व केन्द्रीय सदस्य पनि हुन् । आफूलाई विवाह गरेर ल्याएको ५ वर्षसम्म विवाह दर्ता नगरिदिएको र छोरी जन्मेको ३ वर्ष हुँदा पनि जन्मदर्ता नगरिदिएको गुनासो कँडेलले गर्दै अाएकी थिईन् । उनका दाजु कृष्ण कँडेलले बहिनीलाई कानुनी रूपमा स्वीकार गर्न नसक्दा समस्या निम्तिएको बताए । हरेक दिन यातना दिने गरेका कारण सहन नसकी बहिनीले न्याय खोज्न प्रहरी कार्यालय पुगेकी बताए । जिल्ला प्रहरी कार्यालयले पीडित कँडेलका श्रीमान् खगेन्द्र र आमाजू होमालाई नियन्त्रणमा लिएकाे छ ।
