विराटनगर ३ मंसिर । विराटनगरमा पहिलो पटक प्रथम रोनाल्ड म्याकुलिकप क्रिकेट प्रतियोगिता हुने भएकाे छ । नेत्रहीन क्रिकेट संघ नेपालले नेत्रहीन खेलाडीहरुको क्षमता विकास एंव आत्मवल वढाउने उदेश्यले प्रतियाेगिता गर्न लागेकाे हाे । नेत्रहीन क्रिकेट संघ नेपालले विराटनगरमा सोमबार पत्रकार सम्मेलन गरि प्रतियाेगिताकाे बारेमा जानकारी गराएको हो । मंसिर ५ देखि ८ गतेसम्म विराटनगरको शहिद मैदानमा हुने प्रतियोगितामा म्याग्दी, झापा, वर्दिया तथा त्रिभुवन आर्मी क्लवका द्धन्द पिडित घाइते सैनिक गरी चार टिमको सहभागिता रहने छ ।
प्रतियोगितामा प्रथम हुनेलाई २० हजार तथा द्धितिया हुनेलाई १० हजार पुरस्कार प्रदान गरिने आयोजकले जनाएको छ । प्रतियोगिता सम्पन्न गर्न ७५ हजार रुपैया खर्च हुने आयोजकको अनुमान रहेको छ । प्रतियोतिा वि– वन, वि– टु तथा वि थ्रीको आधारमा खेलाइने छ ।
नेपालमा २०६३ सालमा नेत्रहिन क्रिकेट संघ स्थापना भएको हो । १ सय १० जना नेत्रहिन खेलाडिले आधारभुत तालिम प्रदान गरिएको छ । नेपालमा पाँच सय नेत्रहिन क्रिकेट खेलाडि मध्ये २ सय महिला खेलाडि रहेका छन । नेत्रहिन क्रिकेटसंघ , विराटनगर महानगरपालिका तथा स्थानिय समुदायको आर्थिक सहयोगमा प्रतियोगिता आयोजना हुन लागेको संघका अध्यक्ष पवन घिमिरेले वताए ।
