विराटनगर, पुस ३। विराटनगरमा भविष्य स्टीम च्यालेन्ज आयोजना गरिने भएको छ । साइन्स,टेक्नोलोजी,इन्जिनियरिङ,आर्ट्स तथा म्याथको बिषयमा बिभिन्न च्यालेन्जहरु उक्त कायक्रममा हुने छ ।
विद्यालयस्तरमा काम गर्दै आएको "कारखाना" नामक संस्थाले भविष्य स्टीम च्यालेन्ज आयोजना गर्न लागेको हो ।
प्रतियोगितामा मोरङ र सुनसरीका विद्यार्थीहरूले सहभागिता जनाउनेछन् ।
पुस ९ गते आयोजना हुने प्रतियोगितामा सहभागि विद्यार्थीहरूले आयोजकले दिएको सामाग्रीबाट विभिन्न आकार निर्माण गर्नुपर्नेछ ।
तोकिएको समयभित्र उत्कृष्ट सिर्जना गर्ने विद्यार्थीलाई पुरस्कृत गरिने कारखानाका क्षेत्रीय प्रमुख रिसभ आचार्यले जानकारी दिए । विद्यार्थीहरूको अध्ययन संस्कारलाई व्यवहारिक बनाउने उद्देश्यसहित कार्यक्रम आयोजना गर्न लागिएको उनले बताए ।
