विराटनगर, ५ पुस । मोरङको सुन्दर-हरैँचा नगरपालिका-६ दुलारीमा दिउँसो आगलागी हुँदा करिब २ लाख ५० हजार मूल्य बराबरको क्षति भएको छ । आगलागीबाट उमाकान्त कोईरालाको ईट्टको गारो, टिनको छानो भएको १ तले घरमा बिजुलीको तार सर्ट भई आगलागी भएको थियो । दिउँसो सवा १२ बजे भएको आगलागीबाट कोईरालाको घरमा आंशिक क्षति भएको छ भने घर भित्र रहेको अन्नपात, लत्ताकपडा, भाडावर्तन लगायतका सामानहरु पूर्ण रुपमा जलेर नष्ट भएको छ । उक्त आगलागी दमकल, प्रहरी र स्थानीयवासीको सहयोगमा पूर्ण रुपमा नियन्त्रणमा लिईएको जिल्ला प्रहरी कार्यालय मोरङले जनाएको छ ।
