विराटनगर, ५ पुस । अन्नपूर्ण पोस्ट्ले देशभर संचालन गरिरहेको ‘अन्नपूर्ण पोस्ट् उज्ज्वल भविष्यःउपहार जितिन्छ अवश्य’ वार्षिक ग्राहक योजनाको दोस्रो मोटरसाइकल विजेता इलामको महालक्ष्मी ज्वेलरी बनेको छ।
बिहीबार अन्नपूर्ण मिडिया नेटवर्कको प्रदेश १ को विराटनगरस्थित कार्यालयमा प्रदेश १ का प्रमुख सचिव केदार न्यौपानेले गरेको मासिक लक्की ड्रबाट रसिद नम्बर ९२५२ का ग्राहक महालक्ष्मी ज्वेलरी विजेता बनेको हो। उपहार स्वरुप ज्वेलरीले जगदम्बा मोर्टसको टिभीएस स्ट्राइकर मोटरसाइकल पाउने छन्। लक्की ड्र कार्यक्रमलाई सम्बोधन गर्दै प्रमुख सचिव न्यौपानेले बम्पर लक्की ड्रमा छात्रवृत्ति जस्तो महत्वपूर्ण पुरस्कार राख्नु निकै प्रशंसनीय भएको बताए।