विराटनगर, ६ पुस । विराटनगर–१० मा रहेको कान्तिपुर सेकेन्डरी स्कूलले निःशुल्क आँखा परीक्षण गरेको छ । विराटनगर आँखा अस्पतालको सहयोगमा स्कूलले शुक्रबार निःशुल्क आँखा परीक्षण तथा निशूल्क चस्मा वितरण गरेको होे । विराटनगर आँखा असपताल नेत्र चिकित्सकहरु गिरीसमाश्री चुडाल, सवनम चौधरी, रनती देव चौधरी तथा आँखा स्वास्थ्यकर्मीहरु लक्ष्मी यादव, दिपनारायण उराउ, कुशावन्त सिंह लगायतको टोलीले आँखा परीक्षण गरेको थियो ।
स्कूलमा अध्ययजरत करिव १ हजार ५ सय ६० विद्यार्थीहरुले प्रत्यक्ष रुपमा आँखा परीक्षणबाट लाभ उठाएको स्कूलका सहायक प्रधानाध्यापक देविलाल महतो जानकारी दिए । विद्यार्थीहरुको आँखाको अवस्थाका आधारमा थप उपचारकोलागि अस्पताल पठाइएको महतो बताए । यसरी स्कूलले विद्यार्थीहरुलाई गुणस्तरीय शिक्षा दिनुको साथै उनीहरुको स्वास्थयलाई पनि उतिकै महत्वको साथ हेरेको स्कूलले जनाएको छ ।
