मोरङ, २४ बैशाख। मोरङको उर्लावारी नगरपालिका-५ मधुमल्ला बसस्टेण्डमा भएको सवारी दुर्घटनामा परी एकजनाको मृत्यु भएको छ ।
आज बिहान दक्षिणबाट उत्तर तर्फ जाँदै गरेको मे ९ प ९४४६ नम्बरको मोटरसाईकलले पैदल यात्री धनकुटाको डाँडागाँउ बस्ने ७८ बर्षीय लाल बहादुर खड्कालाई ठक्कर दिंदा उनी गम्भीर घाईते भएका थिए । घाईतेलाई बिराट नर्सिङहोम बिराटनगर ल्याईएकाेमा उपचारकै क्रममा मृत्यु भएको जिल्ला प्रहरी कार्यालय माेरङका डिएसपी घनश्याम श्रेष्ठले जानकारी दिए । ठक्कर दिने मोटरसाईकल ईलाका प्रहरी कार्यालय उर्लावारीको नियन्त्रणमा रहेको छ भने चालक तत्काल फरार रहेकोले खोजी भईरहेकाे प्रहरीले जनाएकाे छ ।
