विराटनगर, ४ जेठ । प्रमुख निर्वाचन आयुक्त दिनेशकुमार थपलियाले निर्वाचन प्रणालीलाई प्रविधिमैत्री र मितब्ययी बनाउन आयोगले काम गरिरहेको बताउनु भएकाे छ ।
निर्वाचन कार्यालयका प्रमुख र कर्मचारीलाई लक्षितगरी प्रदेश १ को राजधानी विराटनगरमा शनिबारबाट शुरु भएको ४ दिने प्रशिक्षण कार्यक्रमको उद्घाटन गर्दै उनले यस्तो बताउनुभएको हो । निर्वाचनलाई निष्पक्ष, मितब्ययी र जनताको विश्वासिलो बनाउन सुधार आवश्यक रहेकाले आयोगले काम गरिरहेको उहाँले बताउनुभयाे ।
आगामी ५ वर्षमा विभिन्न ५ वटा मुख्य विषय वस्तुलाई केन्द्रीत गरेर आयोगले सुधारका काम गर्न लागेको उनले जानकारी दिए। ७ गतेसम्म चल्ने प्रशिक्षणका सहभागीलाई निर्वाचन प्रचारप्रसार खर्च, निर्वाचन विवाद निरुपण, राजनितिक दल दर्ता तथा आय ब्यय विवरण, निर्वाचन जोखिम ब्यवस्थापन तथा मतदाता दर्ता सफ्टवेयर सञ्चालनसम्बन्धी तालिम दिइने छ।
