बीबीसी । अमेरिकाको भर्जिनिया राज्यमा रहेको भर्जिनियाँ बीच सहरको एक सरकारी भवन अन्धाधुन्ध बन्दुक आक्रमण भएको छ । हालसम्म प्राप्त भएको जानकारी अनुसार घटनामा कम्तिमा १२ मानिसको मृत्यु भएको छ र ६ घाइते भएका छन् ।
प्रहरीले दिएको जानकारी अनुसार बन्दुक आक्रमण भर्जिनियाको एक सरकारी भवनमा भएको थियो ।
स्थानीय प्रहरीका अनुसार संदिग्ध आक्रमणकारी भर्जिनिया बीच म्युनिसिपल सेन्टरका कर्मचारी हो र उसले आफ्नै कार्यस्थलमा अन्धाधुन्ध गोलीबारी गरेको थियो ।
हालसम्म आक्रमणकारी पहिचान सार्वजनिक गरिएको छैन तथापी प्रहरीले उक्त व्यक्तिको पनि मृत्यु भइसकेको जानकारी दिएको छ ।
भर्जिनिया बीचका मेयर बबी डायरले घटनालाई शहरको इतिहासको सबैभन्दा ‘त्रासदीपूर्ण दिन’ बताए ।
अमेरिकामा हुने बन्दुक आक्रमणको लेखाजोखा राख्ने बेवसाइट ‘गन भ्वाइलेन्स अर्काइव’का अनुसार भर्जिनियाँ बीचमा भएको बन्दुक आक्रमण अमेरिकामा यो वर्ष भएको १५० औं घटना हो ।
