एजेन्सी ।नेदरल्याण्डस महिला विश्वकप फुटबलको फाइनलमा प्रवेश गरेको छ । बुधबार राति भएको सेमिफाइनलमा स्वीडेनलाई पराजित गर्दै नेदरल्याण्डसले पहिलो पटक महिला विश्वकप फुटबलको फाइनलमा स्थान बनाएको हो ।
फ्रान्समा जारी प्रतियोगिता अन्तर्गत निर्धारित समयमा दुवै तर्फबाट गोल नभएपछि खेल अतिरिक्त समयमा धकेलिएको थियो । नेदरल्याण्डसका लागि ९९ औँ मिनेटमा ज्याकी खुनाले गरेको गोल नै जितका लागि पर्याप्त भयो ।
युरोपियन च्याम्पियन नदरल्याण्डसले उपाधिका लागि साबिक विजेता अमेरिकासँग प्रतिस्पर्धा गर्ने भएको छ ।
फाइनल खेल आउँदो आइतबार लियोनमा हुनेछ । अमेरिकाले इंग्ल्याण्डलाई पराजित गरेर फाइनलमा स्थान बनाएको हो । तेस्रो स्थानका लागि स्वीडेनले इंग्ल्याण्डको सामना गर्नेछ ।
