एजेन्सी, ८ साउन । बक्सिङ खेलका क्रममा घाईते भएका रुसी बक्सर म्याक्सीम दादासेभको निधन भएको छ ।
अमेरिकाको मेरिल्याण्डमा आइबीएफ लाईट वेल्टरवेटको फाइटका क्रममा घाईते भएका दादासेभको उपचारकै क्रममा निधन भएको हो ।
क्यारेबिएन राष्ट्र पुएर्टो रिकोका बक्सर सुब्रिएल माटियाससँगको फाईटमा २८ वर्षिया दादासेभ घाईते भएका थिए ।
अन्तिम राउण्डको फाईट चलिरहँदा घाईते भएपछि दादासेभलाई अस्पतानल भर्ना गरिएको थियो ।
मस्तिष्कमा रक्तश्राव भएपछि आपतकालिन शल्यक्रिया गरिए पनि चिकित्सकहरुले उनको मुटुको चाल बन्द भएको घोषणा गरे ।
रुसी बक्सिङ महासंघले घटनाबारे छानविन थालेको बताएको छ । दादासेभको उपचारका आवश्यक प्रक्रिया पालना नभएको रुसको आशंका छ । दादासेभले यसअघि करियरका सबै १३ वटा फाईट जितेका थिए ।
