क्यानडा । क्यानडाको टोरोन्टोबाट संचालन भइरहेको नेपाली तथा अंग्रेजी समाचारमुलक अनलाइन न्यूज पोर्टल क्यानडाखबर डट कमको सम्पादकमा नेपालका पूर्व पत्रकार एवं टिभि जर्नलिष्ट बद्रि तिमल्सिना नियुक्त भएका छन् ।
नेपालमा झण्डै डेढ दशकको समयसम्म विभिन्न रेडियो, टेलिभिजन र अनलाइनमा काम गरिसकेका तिमल्सिना यसअघि पनि क्यानडामा रहेर नेपाली समुदायको विकासका लागि कलम चलाउदै आएका थिए । अंग्रेजी साहित्य र पत्रकारिताको विद्यार्थी तिमल्सिनाले विराटनगरस्थित कोशि एफएमबाट पत्रकारिता करियर सुरु गरेका थिए ।
काठमाण्डौस्थित नेपाल एफ एम र गोर्खा एफ एममा समाचार बाचक र समाचार सम्पादन गरेका तिमल्सिना पछिल्लो समयमा न्यूज २४ टेलिभिजनमा समाचार शाखामा कार्यरत थिए । क्यानडामा रहेका नेपाली समुदायसंग सहकारकार्य गर्दै निष्पक्ष र समसामयिक विषयमा कलम चलाउने तिमल्सिनाले बताएका छन् ।
