एजेन्सी नुरसुल्तान, पुस ११ । मध्य एशियाली मुलुक कजाकस्तानमा विमान दुर्घटना हुँदा कम्तिमा १४ जनाको मृत्यु भएको छ । उद्धार भइरहेको जनाइएको छ । मृत्यु हुनेमा ६ बालिकालिका पनि छन् ।
शुक्रबार बिहानै दुर्घटना भएको विमान दुई तले घरमा बजारिँदा टुक्राटुक्रा बनेको खबर अन्तर्राष्ट्रिय समाचार संस्थाहरुले दिएका छन् ।
विमानमा ९३ जना यात्रु रहेको बताइएको छ । बेक एयरको फ्लाइट नम्बर जेड ९२१०० को जहाज अल्माटी विमानस्थलबाट उडेको केहीबेरमै दुर्घटनामा परेको हो ।
अल्माटीबाट राजधानी नुरसुल्तानका लागि उडेको जहाजमा ९३ यात्रुका साथै पाँच चालक दलका सदस्य भएको अल्माटी विमानस्थलले जनाएको छ । दुर्घटनामा घाइते भएकाहरुको उपचार भइरहेको छ ।
दुर्घटनाको कारण खुलेको छैन ।
