काठमाडौं पुष १७ ,
३ महिनाअघि वैदेशिक रोजगारीको लागि मलेसिया पुगेका एक नेपालीको मृत्यु भएको छ। फाल्गुनन्द गाउँपालिका वडा नं.१, नवमीडाँडाका हेमलाल दुलाल सुतेकै ठाउँमा मृत भेटिएका हुन्।
यसअघि पनि पटक-पटक वैदेशिक रोजगारीमा गएर फर्किएका दुलाल पछिल्लो पटक गत असोज १६ गते मलेसिया पुगेका थिए।
हृदयघातका कारण उनको मृत्यु भएको प्रारम्भिक अनुमान गरिएको छ। उनका एक श्रीमती,एक छोरा र एक छोरी छन्।
