घरेलु मदिरा सेवन गर्दा बागलुङमा चारजनाको मृत्यु

घरेलु मदिरा सेवन गर्दा  बागलुङमा चारजनाको मृत्यु

बागलुङ

बागलुङको गलकोट नगरपालिकामा घरेलु मदिरा सेवन गरेका चार जना मजदुरको मृत्यु भएको छ । दुई जनाको अवस्था गम्भीर रह छ । गलकोट नगरपालिका–७ मल्म गहिरो खर्कको गलकोट बृहत खानेपानी खानेपानी आयोजनामा कार्यरत १४ जनामध्ये ६ जना मजदुरले सोमबार घरेलु मदिरा सेवन गरेका थिए ।

स्थानीय भद्रबहादुर थापाले सञ्चालन गरेको मिलन किराना पसलमा घरेलु मदिरा खरिद गरी सेवन गरेका मध्ये रोल्पा सुनिल स्मृति गाउँपालिका ५ का २१ वर्षीय दिपेन्द्र पुन, सोही स्थानका ३९ वर्षीय दूधबहादुर राना, ५१ वर्षीय रेखबहादुर राना र ३० वर्षीय प्रविन घर्तिको मृत्यु भएको जिल्ला प्रहरी कार्यालय बागलुङका सूचना अधिकृत डिएसपी इकवाल हलारीले जानकारी दिनुभयो ।

मदिरा सेवनपछि गम्भीर भएका छ जनालाई अस्पताल ल्याउँदै गर्दा चार जनाको बाटोमै निधन भएको थियो । मदिरा सेवनपछि बिरामी परेका रोल्पा सुनिलस्मृति गाउँपालिका– ५ गजुलका ३८ बर्षीय खेमराज घर्ती र २६ वर्षीय रविन पुनको धौलागिरी अस्पतालमा उपचार भइरहेको छ । दुवै जनाको मृर्गाैलामा गम्भीर समस्या देखिएको अस्पतालका प्रमुख डाक्टर सैलेन्द्र विक पोखरेलले जानकारी दिनुभयो ।

उनीहरुलाई थप उपचारका लागि पोखरा पठाउने तयारी भैरहेको डाक्टर पोखरेलले बताउनुभयो । उनीहरुले किराना पसलबाट आठ बोतल रक्सी, बोनस चाउचाउ, पाठक दालमोट, कोकोनट बिस्कुट खरिद गरेका थिए । पसल सञ्चालक भद्रबहादुर थापालाई प्रहरीले नियन्त्रणमा लिएकाे छ ।

यो खबर पढेर तपाईलाई कस्तो महसुस भयो ?

Loading spinner

तपाईको प्रतिक्रिया लेख्नुहोस्