विराटनगर । दिएको पैसा डबल बनाईदिन्छु भन्दै ठगेको आरोपमा एक जना विराटनगरबाट पक्राउ परेका छन् । विराटनगर–८ अशोक चोकका ३५ वर्षीय चन्दनकुमार मुखिया ठगी आरोपमा पक्राउ परेका हुन् । स्थानीय राजकुमार रायसँग २ लाख २० हजार रुपैँया ठगेको आरोपमा उनलाई पक्राउ गरिएको हो ।
मुखियाले २०७७ चैत २७ गते रायलाई अन्धविश्वासमा पारेर ठगेपछि फरार रहँदै आएका थिए । आफूलाई दिएको रकमको डबल बनाई दिने भन्दै उनले ठगेको प्रहरीले बताएको छ ।
