विराटनगर । मेगा बैंक नेपाल लिमिटेडले मोरङको सुन्दरहरैंचा नगरपालिका वडा नम्बर १० विराटचोकमा नयाँ शाखा सञ्चालनमा ल्याएको छ । विराटचोकका साथै अन्य ४ स्थानहरुमा पनि बैंकले त्यसै दिनबाट नयाँ शाखाहरु सञ्चालनमा ल्याएको हो ।
उदयपुर जिल्लाको त्रियुगा नगरपालिका वडा नम्बर ११ गाइघाटमा, रौतहट जिल्लाको चन्द्रपुर नगरपालिका वडा नम्बर ४ चन्द्रपुरमा, चितवन जिल्लाको रत्ननगर नगरपालिका वडा नम्बर ६ सौराहामा र कास्की जिल्लाको पोखरा महानगरपालिका वडा नम्बर ६ गौरीघाटमा बैंकले नयाँ शाखाहरु विस्तार गरेको हो । यी सबै शाखाहरुबाट बैंकिङ कारोबारको प्रारम्भ आइतबारबाटै भएको बैंकले जनाएको छ ।
मेगा बैंकले यो एक महिनाको अवधिमा मात्रै १२ वटा शाखा विस्तार गरिसकेको छ । अहिले मेगा बैंकका देशभर १९० शाखा कार्यालयहरु रहेका छन् भने थप ४ वटा शाखाहरु सञ्चालनमा आउने तयारीमा रहेका छन् । ग्राहकको विश्वास जित्दै अघि बढ्दै गरेको मेगा बैंकले गुणस्तरीय र छिटो छरितो सेवा तथा डिजिटल बैंकिङलाई प्राथमिकता दिँदै आइरहेको छ ।
