विराटनगर
जहदा गाउँपालिका २ स्थित नवबुद्ध युवा क्लबले घरमुली इन्द्रदेव सरवारिया गुमाएर सहाराविहीन भएको जहदा वडा नम्बर १ को अति बिपन्न एक परिवारलाई खाद्यान्न सहयोग गरेको छ।
आवर बिराटनगरसंग कुरा गर्दै क्लबका अध्यक्ष अभय मगर भन्छन्, ' मृतकका परिवारमा उनकी श्रीमती र दुई नाबालक छोराछोरी भएको र कमाएर खुवाउने व्यक्ति नै नभएपछि खाद्यान्न अभाव भएको जानकारी पाएपछि आफुहरुले सरवरियाको परिवारलाई सहयोग स्वरुप केहि दिनलाई पुग्ने खानेकुरा र केहि रकम दिएका छौं '।
आफ्नो क्लबले २०७६ सालदेखि समाजसेवामा निरन्तर यस्ता सहयोगहरु गरिरहेको पनि उनले जानकारी दिए।
