आजदेखि विराटनगर महानगरपालिका भित्र कोभिड १९ विरुद्धको पहिलो मात्रा भेरोसेल खोप लगाएकाहरुका लागि दोस्रो मात्राको खोप कार्यक्रम संचालन हुदैछ ।
आज भाद्र १६ गतेदेखि आगामी १८ गतेसम्म खोप लगाईने सहरी स्वास्थ्य महाशाखा संयोजक रमेश कार्कीद्वारा हस्ताक्षर भई विराटनगर महानगरपालिकाद्वारा जारी सूचनामा उल्लेख भएको छ ।
गत श्रावण ११ गतेदेखि १४ गतेसम्म संचालित खोप कार्यक्रममा पहिलो मात्राको खोप लगाएकाहरुका लागि विराटनगरका सबै वडाका साथै आदर्श उच्च माध्यमिक विद्यालय र नेपाल परिवार नियोजन संघको कार्यालयमा खोप कार्यक्रम संचालन हुने भएको हो ।
यस अघि कोशी अस्पताल र विरेन्द्र सभागृहमा पहिलो मात्रा लगाएकाहरुलाई विराटनगर ७ स्थित आदर्श उच्च माध्यमिक विद्यालयमा , नेपाल परिवार नियोजन संघमा पहिलो मात्रा लगाउनेहरुका लागि सोहि स्थानमा र विराटनगरको कुनै पनि वडामा पहिलो मात्राको कोभिड १९ विरुद्धको भेरोसेल खोप लगाएकाहरुका लागि सम्बन्धित वडाको खोप केन्द्रबाट नै खोप लगाईने सूचनामा उल्लेख छ ।
यद्यपी खोप लगाउन आउदा खोप कार्ड र vaccine.mohp.gov.np मा नाम दर्ता गरेर प्राप्त हुने विद्युतिय दर्ता नं अनिवार्य लिएर जानु पर्ने बताईएको छ ।
