विराटनगर । राउण्ड टेबल नेपाल बिसिआरटी-१५ ले "विन्टर च्यारिटी ड्राईभ" कार्यक्रम सम्पन्न गरेको छ ।
विराटनगर सेन्ट्रल राउण्ड टेबलले शनिबार एक कार्यक्रमको आयोजना गरि च्यारिटी ड्राईभ सम्पन्न गरेको हो । सप्तकोशी सिमेन्टको प्राङ्गणमा सम्पन्न भएको उक्त कार्यक्रममा सहयोगापेक्षित व्यक्तिहरुलाई न्यानो लत्ताकपडा वितरण गरिएको थियो ।
विराटनगर सेन्ट्रल राउण्ड टेबल-१५ ले बढ्दै गएको चिसोलाई दृष्टिगत गर्दै हरेक हप्ता विभिन्न कार्यक्रमहरु सञ्चालन गर्दै आईरहेको छ । गत हप्ता भने बिसिआरटी-१५ ले रङ्गेलीको एक सामुदायिक विद्यालयमा "गुड टच र ब्याड टच" सम्बन्धी तालिम र फ्लोरिङको काम समेत गरेको थियो ।
