विराटनगर । विराटनगरको रोडशेष चौक भएको कार दुर्घटनामा परी ३ जना घाईते भएका छन् ।
टायर पडकेर कार अनियन्त्रित भई सडकको बिचमा रहेको डिभाईडरमा ठोकिदा चालक सहित ३ जना घाईते भएका हुन् । घाईते हुनेमा मोरङको पथरी–१ बस्ने वर्ष २८ का सवारी चालक प्रकाश प्रसाई, सोही ठाउँको वर्ष ६० का भीमशंकर श्रेष्ठ र पथरी–८ की ४० बर्षीया रेणु विक रहेकी छन् । दक्षिणबाट उत्तरतर्फ आईरहेको प्रदेश–३–०१–०२३ च ३१०९ नम्बरको कार दिउँसो करिब २ बजे रोडशेष चौकस्थित सडकको बिचमा रहेको डिभाईडरमा ठोकिँदा दुर्घटना भएको थियो ।
दुर्घटनामा परी घाईते भएका उनीहरुको हाल विराटनगरस्थित न्युरो अस्पतालमा उपचार भईरहेको छ । घाईतेहरुको अवस्था सामान्य रहेको मोरङ प्रहरीले जनाएको छ । मोरङ प्रहरीले भने घटना सम्बन्धमा थप अनुसन्धान गरिरहेको छ ।
