विराटनगर । विराटनगरस्थित मोरङ कारागारका कैदीबन्दीहरुले जेष्ठ नागरिकहरुलाई खाद्यान्य र नगद सहयोग गरेको छ । कैद सजाय भुक्तान गर्दै आएका मोरङ कारागारका कैदीबन्दीहरुले शनिबार विराटनगर ८ मा रहेको विराटेश्वर वृद्धाश्रम खाद्यान्य र नगद सहयोग गरेको हो ।
कैदीबन्दीहरुले ४० हजार मुल्य बरावरको खाद्यान्य र २१ हजार रुपैयाँ नगद सहयोग गरेको मोरङ कारागारका चौकीदार अभिषेक गिरीले जानकारी दिए । मोरङ कारागारमा ९ सय ६२ जना केदीबन्दी रहेका छन् । जसमा ७० जना महिला छन् ।
