विराटनगर । ‘मेरो देश मेरै उत्पादन’ भन्ने अभियानलाई सार्थक बनाउन नेपालका ब्राण्डेड जुत्ता चप्पल कम्पनीहरुले पुस २ गते विराटनगरमा जारी विन्टर मेलामा १० देखी ६० प्रतिशत सम्म छुटको व्यावस्था गरेको छ ।
‘स्वदेशी उत्पादन नै प्रयोग गरौं’ भनेर उपभोक्तालाई जागरुक बनाउन अहिले विराटनगरको भाटभटेनी छेउ सुपर मार्केटमा नाम चलेका ३ वटा जुत्ताचप्पल कम्पनीका स्टल राखिएका छन् ।
महाउत्सवमा अहिले युनाइटेड लेदर, शिखर सुज र हाइलाइफका १५ सय भन्दा बढी डिजाइनका जुत्ताचप्पल प्रर्दशनीमा राखिएको मेला आयोजक सस्थाका एक सदस्य राघब विहानीले जानकारी दिए । मेलामा भर्खरै नयाँ नयाँ डिजाईनको जुत्ताचप्पल समेत ल्याएको विहानीले जानकारी दिए । दैनिकी ५ सयदेखी ८ सय जोर जुत्ता चप्पल बिक्री हुने गरेको उनेले सुनाए । मेलामा ग्राहकले सस्तो र राम्रो जुक्ता चप्पल मिल्ने भएका कारण ग्राहकहरुको पनि भीड त्यतिकै मात्रामा हुने गरेको मेला आयोजक समितिले जानकारी दिएको छ ।
