विराटनगर ।विराटनगर इन्टरनेशनल कलेजमा बेलायतको व्लरभरह्यामपटन विश्वविद्यालयको इन्टरनेशनल विजनेस म्यानेजमेन्टमा तेस्रो वर्षमा अध्ययनरत विद्यार्थी वैभव नाहाटा अमेरिकी सरकारको पूर्ण छात्रवृत्तिमा अमेरिका प्रस्थान गरेका छन् ।
नाहाटा अमेरिकी सरकारको छात्रवृत्तिमा बिद्यार्थी एक्चेन्ज कार्यक्रम अन्तर्गत बिभिन्न एजेन्डा सहित अमेरिका गएका हुन् । उनले त्यहाँ रहदा मिसिसिपि विश्वविद्यालयमा ४ महिने विजनेस म्यानेजमेन्ट कोर्षमा अध्ययन गर्ने साथै बिभिन्न अन्य समारोह तथा बिभिन्न प्रोजेक्ट वोर्कहरुमा सामेल हुने कार्यक्रम रहेको कलेजका प्रमुख कार्यकारी डा. ऋषिकेश वाग्लेले जानकारी दिए ।
बिद्यार्थीलाई विश्वका ठुला बिश्वबिध्यालय तथा विश्व बजारका बिभिन्न अवसरहरुमा सक्षम बनाउन कलेज सधै सफल हुदै आएको कार्यकारी वाग्लेको भनाइ छ ।
उनको ४ महिनाको विद्यार्थी एक्सचेन्ज प्रोग्राममा उनले अमेरिकामा पढाइ साथै विभिन्न स्टेटको भ्रमण तथा त्यहाँ रहेका युवा विद्यार्थीहरुसंग संवादका कार्यक्रम पनि रहेको कलेजले जनाएको छ ।
उनी नेपालमा युवामाझ निकै लोकप्रिय पब्लिक स्पिकर समेत रहेका छन । उनको सकसेस सोसाइटी इन्टरनेशनल नामक संस्था पनि रहेको छ ।
यसका साथै , उक्त कलेजबाट हरेक बर्ष २ जना बिद्यार्थी बेलायत, १० जना थाईल्याण्डको एक्सपोजर क्याम्पको लागि जादै आएका छन् ।
