विराटनगर । मालपोत कार्यालय विराटनगरको सेवा अनिश्चितकालिन प्रभावित बनेको छ । कार्यरत ६ जना कर्मचारीलाई कोरोना संक्रमण पुष्टि भएपछि आन्तरिक अड्काको कामबाहेक सेवाग्राहीलाई प्रभाव गर्ने सेवाहरु बन्द गरिएको हो ।
मालपोत कार्यालय विराटनगरका प्रमुख मालपोत अधिकृत लोकबहादुर भण्डारीका अनुसार छ जना कर्मचारीमा संक्रमण पुष्टि भएपछि सेवा बन्द गरिएको छ । परीक्षण गराइएकामध्ये चारजनाको रिपोर्ट आउन बाँकी छ, अधिकृत भण्डारीले भन्नुभयो–कम्प्यूटरमा काम गर्ने कर्मचारीमा संक्रमित भएपछि बाहिरी कुनैपनि सेवा दिन नसकिने भएको हो ।
