विराटनगर । बालिका बलात्कारको प्रयास आरोपमा पक्राउ परेका नेपाली कांग्रेसका प्रदेश समिति सदस्य शिव कोइरालालाई म्याद थप गरि प्रहरीले अनुसन्धान सुरु गरेको छ । सोमबार जिल्ला आदलत मोरङमा ‘जवरजस्ती करणी गर्ने उद्योग’ मा प्रहरीले पाँच दिन म्याद थप गरि अनुसन्धान सुरु गरेको हो ।
जवरजस्ती करणी उद्योगमा २५ दिनसम्म न्यायीक हिरासतमा राखेर अनुसन्धान गर्न पाउने व्यवस्था छ । दश वर्षीया बालिकालाई बलात्कार प्रयास गरेर फरार कोइराला हिजो पक्राउ परेका थिए ।
मोरङको बुढीगंग गाउँपालिका-१ टंकिसनवारी घर भएका कोइरालाले शुक्रबार बालिकालाई बलात्कार प्रयास गरेपछि स्थानीयले नै नियन्त्रणमा लिएर प्रहरीलाई बुझाएका थिए । पीडितले दिएको जाहेरीको आधारमा कोइरालालाई पक्राउ गरेर अनुसन्धान सुरु गरेकोे मोरङ प्रहरीका डिएसपी मन्जिल मुकारुङले जानकारी दिए ।
