विराटनगर । एमसीसी संसदमा टेबल हुने भएपछि भोलि (बुधबार) नेपाल बन्दको घोषणा गरिएको छ । विभिन्न पाँच कम्यूनिष्ट विचारधारा बोक्ने कम्यूनिष्ट पार्टीहरुको गणतान्त्रिक मोर्चाले फागुन ४ गतेलाई नेपाल बन्दको घोषणा गरेका हुन् ।
राष्ट्रघाती एमसीसी सम्झौता विरुद्ध फागुन ४ गते नेपाल बन्द गरौं भन्ने नारासहित बन्द आह्वान गरिएको नेकपा (क्रान्तिकारी माओवादी) का केन्द्रीय सदस्य बिमल निरौलाले जानकारी दिनुभयो । बन्दको पूर्वसन्ध्यामा विराटनगरमा आज साँझ मशाल जुलुस निकाल्ने तयारी भईरहेको समेत बताइएको छ ।
