विराटनगर । मोरङको बुढीगंगा गाउँपालिका-३ स्थित हुलास वायर अगाडि प्रेसर कुकर बम जस्तो देखिने शंकास्पद वस्तु फेला परेको छ ।
हुलास वायर अगाडि सडकमा उक्त शंकास्पद वस्तु फेला परेको हो । साँझको करिब साढे ५ बजे बम जस्तो देखिने शंकास्पद वस्तु देखेपछि प्रहरीलाई खबर गरेका थिए । कुनै अप्रिय घटना हुन नदिन घटनास्थलमा हाल बाक्लो रुपमा प्रहरी परिचालन गरिएको छ । प्रहरीको टोली शंकास्पद देखिएको उक्त वस्तुको चेकजाँच गरिरहेको छ । उक्त वस्तु भने बम नै रहेको बारे पुष्टि भईसकेको छैन् ।
घटनास्थललाई हाल सुरक्षित बनाईएको छ । सवारीसाधनको आवागमन समेत केही समयका लागि रोकिएको छ ।
