विराटनगर । विराटनगरमा सम्पन्न १२ औं संस्करणको राउण्ड टेबल प्रिमियर लिगको उपाधि विराटनगर प्राईम राउण्ड टेबल–१० ले हात पारेको छ ।
विराटनगर सेन्ट्रल राउण्ड टेबल–१५ को आयोजनामा शनिबार वडा नं. ५ स्थित दिल्ली पब्लिक स्कुलमा भएको खेलमा प्राईम राउण्ड टेबल–१० ले विजेताको उपाधि हात पारेको हो । शनिबार सम्पन्न खेलको म्यान अफ द सिरिज तथा उत्कृष्ट बलर विकास गोयल र उत्कृष्ट ब्याट्स्म्यान पवन पंकज पारख भए । विराटनगर सेन्ट्रल राउण्ड टेबलले हरेक वर्ष विराटनगर, धरान र काठमाण्डौंका विभिन्न राउण्ड टेबलहरुबिच मैत्रीपुर्ण क्रिकेट प्रतियोगिताको आयोजना गर्दै आईरहेको छ ।
शनिबार सम्पन्न खेलको विजेताले भने ट्रफी र गिफ्ट भौचरका साथै स्पोर्र्टस वेयर लगायतका पुरस्कार प्राप्त गरेको छ ।
