विराटनगर । विराटनगर– १४ मलायरोडमा रहेको दिब्य ज्योती अस्पतालले २० औं जलविन्दु सचेतना सप्ताहको अवसर पारेर निःशुल्क स्वास्थ्य शिविरको आयोजना गरेको छ ।
विराटनगर – ८ मा रहेको विराटेश्वर वृद्धाश्रममा शनिबार ज्येष्ठ नागरिकहरुको लागि निःशुल्क स्वास्थ्य शिविर आयोजना गरेको हो ।
शिविरमा आश्रममा रहेका ज्येष्ठ नागकिरहरुको अस्पतालका वरिष्ठ जलविन्दु रोग विशेषज्ञ डा. प्रमोद शर्मा गौतम र नेत्ररोग विशेषज्ञ डा. उदयचन्द्र प्रकाशले आँखाको जाँच गरेका थिए । जलविन्दु सचेतना सप्ताहको अवसर पारेर आयोजना गरिएको स्वास्थ्य शिविरमा आश्रममा रहेका ६२ जना ज्येष्ठ नागरिकहरुको आँखा जाँच गरिएको अस्पतालका निर्देशक देवा यादवले जानकारी दिए ।
स्वास्थ्य जाँच गरिएको मध्ये १५ जना ज्येष्ठ नागकिरहरुमा आँखाको समस्या देखिएको डा. गौतमलले बताए । १४ जना ज्येष्ठ नागरिकहरुको आँखामा जलबिन्दुको समस्या देखिएकोले उनीहरुको आँखाको शल्यक्रिया गरिनुपर्ने उनले बताए । आँखामा समस्या देखिएको विरामीको निःशुल्क शल्यक्रिया अस्पतालमा गरिने निर्देशक देवाले बताए । सामाजिक उत्तरदायित्व अन्र्गत रहेर अस्पतालले जलविन्दु सचेतना सप्ताहको अवसर पारेर स्वास्थ्य शिविर र सचेतना मुलक कार्यक्रमहरु अस्पतालले निरन्तर गर्दै आएको उनले बताए ।
