विराटनगर । पुर्वदेखि पश्चिमसम्मका अर्गानिक उत्पादनहरु एकैठाउँमा पाउने गरि विराटनगरमा अर्गानिक घर सञ्चालनमा आएको छ ।
विराटनगरको ट्राफिक चौक नजिकै रहेको रेम्बो गल्लीमा सोमबारदेखि उक्त पसल सञ्चालनमा आएको हो । विराटनगरकै युवा अभिषेक गौतमले २ वर्षदेखिको अनलाईन व्यापारलाई भौतिक रुपमा खरिदबिक्री गर्न मिल्ने पसलको रुपमा विस्तार गरेका हुन् ।
सोमबार उदघाटन भई औपचारिक रुपमा सञ्चालनमा आएको उक्त अर्गानिक घरमा इलामको चियादेखी धनकुटाको शुद्ध घिउसम्मका अर्गानिक उत्पादनहरु उपलब्ध रहेको जनाईएको छ ।
