विराटनगर । विराटनगर महानगरपालिकाको विभिन्न स्थानबाट भारतबाट भन्सार छलि लुकाई छिपाई नेपालतर्फ ल्याएको लत्ता कपडा, खाद्यान्न, घरायसी सामानहरू बरामद गरिएको छ । प्रहरीले अन्दाजी मूल्य नौ लाख ८३ हजार १५० रुपिँया बराबरको सामान नियन्त्रणमा लिइएको हो ।
ईलाका प्रहरी कार्यालय रानी विराटनगरबाट खटिएको प्रहरी टोलीले बिहीबार बरामद गरेको सामान आवश्यक कारवाहीको लागि मूल भन्सार कार्यालय रानीमा बुझाईएको प्रहरी नायव उपरीक्षक दिपक श्रेष्ठले जानकारी दिनुभयो।
