विराटनगर । मोरङको जहदामा श्रीमानले आफ्नै श्रीमती को हत्या गरी श्रीमान् फरार भएका छन् ।
मोरङ प्रहरीका अनुसार जहदा गाउँपालिका–७ का ३३ वर्षीय नारायण सोरेनले मादक पदार्थ सेवन (मापसे) गरेर कुटपिट गरी पत्नी ३२ बर्सिया पानो टुडुको हत्या गरेका हुन ।
मोरङ प्रहरीका प्रवक्ता डिएसपी दीपकश्रेष्ठका अनुसार नारायणले मादक पदार्थ सेवन गरेर चैत २९ गते पत्नीलाई कुटपिट गरेका थिए । कुटपिटबाट घाइते भएकी पानो को उपचारका क्रममा बिहीबार राति विराटनगरको कोसी अस्पतालमा मृत्यु भएको प्रहरीले जनाएको छ ।
पत्नीको हत्यामा संलग्न नारायण फरार रहेकाले खोजी तीव्र पारेर घटनाको अनुसन्धान थालिएको जानकारी श्रेष्ठले दिए ।