विराटनगर । विराटनगरका चार युवाले ग्रामिण शैलिको मज्जा लिन सक्ने गरि विराटनगरमा नयाँ रेस्टुरेन्टको सुरुवात गरेका छन् ।
सर्प्राईज रेस्ट्रो एन्ड बार नाम दिएर मुनालपथ चौकमा सुरु भएको यस रेस्टुरेन्ट हेर्दै नेपालको कुनै ग्रामिण क्षेत्रमा रहेको कलात्मक सस्कृति भित्र प्रवेश गरेको अनुभव हुन्छ । सर्प्राईजमा पुरानो कल्चर जागृत गर्दै नयाँ स्वरुप दिईएको छ । नेपालको तराई क्षेत्रको दुई मुख्य संस्कृति राजवंशी र मैथिलि संस्कारको थिममा हाल सर्प्राईजलाई तयार बनाईएको छ ।
सर्प्राईजलाई सुरज कार्की, महेन्द्र न्यौपाने, महेश दाहाल र अंकित दासले मिलेर सुरु गरेका हुन् । सर्प्राईजमा सबै प्रकारका परिकारहरुको फरक स्वाद चाख्न पाईने संचालकहरुले बताएका छन् ।
शुक्रबारदेखि सुरु भएको सर्प्राईजले उद्घाटनको अवसरमा नि:शुल्क पेयपदार्थहरुका साथै विशेष डिस्काउन्ट दिएको छ ।
