विराटनगर । विराटनगर–१८ इस्लामपुरसँग सीमा जोडिएको दशगजा क्षेत्रमा भारतीय सीमा सुरक्षा बलले हवाई फायर गरेको छ । दिउँसो १ः२० मा भारतीय सीमा सुरक्षा बलले अचानक तीन राउण्ड हवाई फायर गरेको हो । दशगजा क्षेत्रमा किन हवाई फायर गरियो भन्ने खुल्न सकेको छैन ।
सीमा क्षेत्रमा भातरीय सुरक्षा बलले हवाई फायर गरेपछि विराटनगर–१८ सीमा क्षेत्रका स्थानीय आतंकित बनेका छन् । हवाई फायरिङ्ग गरिएपछि स्थानीय भेला भएका थिए । स्थानीयले दिउँसै रक्सी खाएर सीमा क्षेत्रमा सुरक्षा बलले हवाई फायर गरेको भन्दै विरोध जनाएका छन् ।
दशगजा क्षेत्रमा आएर हवाई फायर गरिएको भन्दै नेपालीहरुले विरोध गरेका छन् । हवाई फायरपछि भारतीय सुरक्षा बल हटेको स्थानीयवासी सुरज मण्डलका बताउनुभयो । । मोरङका प्रहरी उपरीक्षक शान्तिराज कोइरालाले सीमा क्षेत्रमा भएको घटनाको विषयमा बुझिरहेको बताउनुभयो ।
