विराटनगर । मतदान गर्ने विषयलाई लिएर झडप भएपछि ओखलढुंगामा प्रहरीले ९ राउण्ड हवाई फायर गरेको छ ।
प्रदेश १ प्रहरी कार्यालय विराटनगरका अनुसार स्थितिलाई नियन्त्रणमा लिनका लागि ९ राउण्ड हवाई फायर गरिएको हो । चम्पादेवी गाउँपालिका–९ स्थित जीवन ज्योति आधारभूत विद्यालय मतदान केन्द्रमा मतदाताको लाइन मिलाउने क्रममा कांग्रेस र एमालेका कार्यकर्ताबीच झडप भएको प्रहरीले जनाएको छ । दोहोरो झडप भएपछि त्यहाँ तत्काललाई मतदान कार्य स्थगित भएको छ ।
मतदान सुचारु गर्ने विषयमा सर्वदलीय बैठकका लागि पहल भइरहेको जिल्ला प्रहरी कार्यालय ओखलढुंगाले जनाएको छ ।
फोटो:फाईल
