संखुवासभा । संखुवासभाको खाँदबारी नगरपालिकाको मेयरमा नेपाली कांग्रेसका महेश थपलिया विजयी भएका छन् । थपलियाले ८ हजार ३४ मत प्राप्त गर्दा उनका निकटतम प्रतिद्वन्द्वी एमालेका जितबहादुर घिमिरेले ५ हजार ५८९ मत ल्याए ।
उपमेयरमा भने नेकपा एमालेकी महेश्वरा बज्राचार्य विजयी भएकी छन् । बज्राचार्यले ६ हजार ३८५ मत ल्याइ विजेता बन्दा नेकपा माओवादी केन्द्रका दिव्य बरालले ५ हजार १४७ मत ल्याए । २०७४ को निर्वाचनमा खाँदबारीको मेयर र उपमेयर नै नेकपा एमालेले जितेको थियो ।
