विराटनगर । नेपाली काँग्रेसका जिल्ला सह–सचिव सन्जय मण्डलले पदबाट राजीनामा दिएको घोषणा गरेका छन् ।
विराटनगर–४ बाट वडाध्यक्षका उम्मेदवार मण्डल पराजित भएसँगै पदबाट राजीनाको घोषणा गरेका हुन् ।
जिल्ला सह–सचिव भएर वडा अध्यक्षमा उठेका मण्डल नेकपा एमालेका जितेन थापासँग पराजित भएका थिए । निर्वाचन आयोगले अन्तिम मत परिणाम घोषणा गर्नु अगाडी नै हार स्वीकार गर्दै उनले सामाजिक सञ्जालमार्फत राजीनामा दिएका हुन् ।
उनले पार्टीले समेत धोका दिएको भन्दै नैतिकताको आधारमा राजीनामा दिएको बताएका छन् । काँग्रेसले ४० वर्षदेखि जित्दै आएको विराटनगर–४ मा यस पटक एमालेले आफ्नो झण्डा फहराएको छ ।
