विराटनगर । यातायात व्यवस्था विभागले दुईसाता ढिलोगरि सवारीचालक अनुमति पत्र अनलाइन आवेदन आजदेखि खुलाउने भएको छ ।
विभागले सोमबार एक सुचना जारी गर्दै आज अर्थात जेठ १६ गते बेलुकी ६ बजेदेखि औपचारीक रुपमा नयाँ प्रणाली सहित लाइसेन्सको अनलाइन आवेदन खुलाउने भएको हो ।
सवारीचालक अनुमति पत्रका लागि हालसम्म परेका अनलाइन आवेदनहरु आजदेखि रद्द गरि जेठ १६ गेत बेलुका ६ बजेदेखि नयाँ लाइसेन्स आवेदन प्रणाली सुरु हुने भएको छ । नयाँ लाइसेन्स आवेदन दिनका लागि applydl.dotm.gov.np/login वेबसाईट मार्फत नयाँ आवेदन फारम भर्न सकिने छ।
त्यस्तै वर्ग थप गराउन चाहनेहरुका लागि अर्को हप्ताको सोमबारबाट खुला गरिने कुरा यातायात व्यवस्था विभागले जारी गरेको सूचनामा उल्लेख गरीएको छ ।
