विराटनगर । विराटनगर-७ स्थित मेरिल्याण्ड कलेजले बुधबार कक्षा– १२ का वार्षिक परिक्षामा सामेल करिब ८ सय ५० विद्यार्थीलाई बुधबार एक भव्य कार्यक्रम आयोजना गरी बिदाई गरेको छ ।
बिदाई कार्यक्रममा विद्यार्थीहरुले नाच–गान र मनोरञ्जनात्मक कार्यक्रमबाट भरपूर मनोरञ्जन लिएका थिए । बिदाई कार्यक्रममा लाहानका विद्यार्थी रिकेश पंजियारले आफूले दुई वर्षको पढाईमा मेरिल्याण्डमा पढेर धेरै कुरा सिकेको बताए ।
त्यस्तै जनकपुरकी छात्रा आयुषा साहले आफु टाढाबाट आए पनि कलेज व्यवस्थापनबाट घरायसी वातावरण पाएको बताइन् । बिदाई कार्यक्रममा विद्यार्थीहरुलाई मायाको चिनो प्रदान गरीएको थियो ।
कार्यक्रममा हिसानका केन्द्रिय उपाध्यक्ष भेषराज पोख्रेल, कलेजका प्रिन्सीपल लक्ष्मण ढकाल, कलेजका उपाध्यक्ष प्रा.डा.पि.के झा, कलेजका डाईरेक्टर डा. मनोज गुप्ता लगायतले विद्यार्थीहरुलाई उज्जवल भविष्यको कामना गर्नुभएको थियो । कलेजका अध्यक्ष गुणराज ढुङ्गेलको अध्यक्षतामा कार्यक्रम भएको थियो ।
